تراث

عندي عقل متغونن اريافه ساقه”..قصيدة للشاعر عبدالسلام ارحيم الحسناوي

عندي عقل متغونن اريافه ساقه ..
الا غير روح  لا جمل  لا ناقة ..

عندي عقل متجوشن وشق ادروبه  ..
انظر من طراله ضالّه في جوبه ..
وخش ال خليل الله ع المادوبه ..
امعبّي عوينه وعدته والحاقه  ..
بين النواظر حط سيمة صوبه ..
على الله عابيبه ايصير املاقا ..
اوقات في وعر يحصل وقور وكوبه  ..
وواقات في سرير أجدل  بلا عواقه ..
وفي خاطره عارف الا بعجوبه ..
يبلغ مرام القصد للمشتاقه ..

عندي عقل في غيّه حنينه ضلّه ..
عمد وين ما وكّر قديم الزلّه ..
توكل وسلم ع النبي وصلّى ..
عرّضتله لكن عزم نطلاقه ..
كسيح عارفه صمم انّه يوصلّه ..
عاقد آماله في اريا خفّاقه ..
ما يسب ملة لو اشبع من غله ..
رفيع شوف من يومه على الفقفاقه ..
لقط درب ينشد ما بن آدم خلّا ..
علي دار قاصدها دليل اشواقه ..

عندي عقل ما يفهم ضليل نصحته ..
حد النظر عنده بصيصه تحته ..
الا القدر عمره ما ايجي بالشحته ..
فيه منو حاسبها لقيق الصاقه   ..
تبيع صوب متاخذ قرو فاتحته  ..
تبصيم في خفا ناسه بحرق اوراقه ..
لوكان يعلم هودجه ربّحته ..
وحبستله بالقول للصفاقه  ..
عزيز مو اللي جارح و لاجرّحته ..
نهار شيلته شالن امعاه زماقه ..

عندي عقل روح غير ما روّحلي ..
علي مااستفرغته عصا يشرحلي ..
وياريت يلقى عزم ويوضحلي ..
امجرع الجوف امعاه مر مضاقه ..
وياريت رحله ايحط يوطا رحلي ..
علي ( بَوْ ) ذَرْ ادموع شور افراقه ..
غلاك راح ريّح شقوتك ريّحلي ..
السّامره إليا لاح النهار شفاقه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى